Wasiirka amniga Puntland oo tababar u xirey Booliska [Dhageyso]
-
- Posted On 11-10-2015, 09:54PM
11 October, 2015 (GO)- Wasiirka amniga Puntland Cabdi Xirsi Qarjab ayaa maanta kuliyda Carmo tababar ugu soo xirey qaybo ka tirsan booliska Puntland.
Mudane Qarjab oo ka hadley munasabadaan ayaa booliska kula dardaarmey iney u adeegaan shacabkooda islamarkaana daacad ka ahaadaan howlaha ay u hayaan bulshada.
Qaybaha ka tirsan booliska Puntland oo tababarkaan u soo xirmey ayaa laga kala keeney gobolada Puntland kuwasoo la sheegey in tirakoob lagu sameynayo islamarkaana aqoontooda ciidan kor loo qaadayo.
Taliyaha cusub ee ciidamada Booliska Puntland oo dhowaan loo magcaabey xilkaan oo sidoo kale goobtaas ka hadley ayaa ka codsadey booliska federaalka iney tageeraan booliska Puntland.
Dhinaca kale waxaa munaasabadaan ku sugnaa taliyaha ciidamada dowlada federaalka Somalia oo dhowaan safar ku yimid Puntland.
Booliska dowlada Federaalka oo awoodoodu yartahay ayaa tageero u badan gadiid iyo tababaro ka hela beesha caalamka ayaa safarka saraakiishooda ku timid Puntland u tahay guul balaaran.
GAROWEONLINE
