Wasiirka Gargaarka Puntland oo su’aallo laga waydiiyay ka hortagga abaaraha

Image
Marwo Ubax ayaa soo bandhigtay waxqabadka Wasaaradda, caqabadaha ay la kulmeen, iyo qorshooyinka lagu xoojinayo waxtarka adeegyada ay bulshada u qabato.

MUQDISHO, Soomaaliya – Guddoomiyaha Golaha Wakiillada Puntland, Cabdirisaaq Axmed Siciid, oo uu wehliyo Guddoomiye Ku-xigeenka 2-aad, Mudane Maxamed Maxamuud Ciise, ayaa maanta shir-guddoomiyey fadhiga 13-aad ee Kalfadhiga 55-aad ee Golaha Wakiillada, kaas oo lagu la xisaabtay Wasaaradda Gargaarka iyo Maareynta Masiibooyinka Puntland.

Fadhiga oo diiradda lagu saaray waxqabadka iyo waajibaadka Wasaaradda, ayaa waxaa hortimid Wasiirka Wasaaradda, Marwo Ubax Cabdirashiid, Wasiir Ku-xigeenka Axmed Siciid Qaloonbi, iyo saraakiil kale oo ka tirsan Wasaaradda, oo ay ku jiraan Agaasimaha Guud iyo Agaasimeyaasha Waaxyaha.

Ugu horayn, Wasiirka ayaa Golaha ka hor akhrisay warbixin ka hadlaysa Wasaaradda, shaqooyinka ay qabteen.

Intaa kadib,Xildhibaannada Golaha Wakiillada ayaa Wasiirka weydiiyey su’aalo ku saabsan sida ay uga jawaabtay xaaladaha masiibooyinka ee ka dhacay Puntland, sida fatahaadaha iyo abaaraha, Tallaabooyinka loo qaaday ka hortagga masiibooyinka iyo diyaarinta adeegyo degdeg ah oo wax-ku-ool ah.

Iskaashiga iyo Hufnaanta: Habka ay Wasaaraddu ula shaqeyso hay’adaha maxalliga ah iyo kuwa caalamiga ah, iyo sidii loo xaqiijin lahaa hufnaanta maamulidda miisaaniyadda.

Wasiirka Wasaaradda Gargaarka iyo Maareynta Masiibooyinka, Marwo Ubax Cabdirashiid, ayaa uga jawaabtay su’aalaha Golaha, iyadoo soo bandhigtay waxqabadka Wasaaradda, caqabadaha ay la kulmeen, iyo qorshooyinka lagu xoojinayo waxtarka adeegyada ay bulshada u qabato.

Guddoomiyaha Golaha Wakiillada, Cabdirisaaq Axmed Siciid, ayaa ku bogaadiyey Wasaaradda dadaallada ay ku bixinayso adeegyada gargaarka, isaga oo ku adkeeyey muhiimadda isla xisaabtanka iyo hufnaanta shaqo ee hay’adaha Xukuumadda.

Kulankan ayaa qayb ka ah dadaallada Golaha Wakiillada ee lagu xoojinayo isla xisaabtanka iyo hubinta waxtarka adeegyada loo fidiyo bulshada Puntland.

GAROWE ONLINE

Related Articles

Booliska Puntland oo fahfaahin ka bixiyay is-rasaaseyntii koontaroolka Bari ee Garoowe

Baaritaan rasmi ah ayaa socda, waxaana dhammaan eedeysanayaasha la hor geyn doonaa sharciga, ayuu lagu yiri qoraalka booliska.

  • Puntland

    22-03-2025

  • 02:00PM

Duqeyn Cirka ah oo Imaaraadka Carabta Ku Bartilmaameedsatay Saldhigyada ISIS ee Puntland

Taageeradda Cirka ee imaaraadka Carabta ayaa la filayaa inay kordhiso awoodda Ciidanka Puntland, oo aad u daciifiyay ISIS.

  • Puntland

    11-03-2025

  • 07:45PM