Xisbiyada Puntland oo is-faham ka gaarey doorashada saddexda degmo

Doorashooyinkan ayaa waxa ay ka qabsoomayaan degmooyinka Garoowe, Dangoroyo iyo Godabjiiraan.

GAROWE, Puntland - Madaxweynaha Dowladda Puntland Siciid Cabdullaahi Deni ayaa xalay kulan la qaatay Madaxda Xisbiyada Siyaasadda Puntland oo kala ah Mideeye, Horseed, Sincad, Ifiye, Mustaqbal, Shaqaalaha, Runcad iyo Kaah.

Deni ayaa kulankan waxaa ku wehliyay Madaxweyne Ku-xigeenka Dowladda Ilyaas Cismaan Lugatoor iyo qaar kamid ah mas'uuliyiinta Dowladda Federaalka ah ee Soomaaliya.

Kulanka ayaa looga hadlay u diyaar garowga qabashada Doorashooyinka Goleyaasha deegaanka ee degmooyinka Garoowe, Dangoroyo iyo Godabjiiraan , Waxaana la Isku raacay in Doorashada saddexda degmo la qabto inta ka horeysa 1-da August 2024. 

Waxaa kulanka ka qeybgalay Wasiirka Arrimaha Gudaha Federaalka iyo Dimuqraadiyeynta Puntland Mudane Cabdi Faarax Juxa, Wasiiru Dowlaha Madaxtooyada Mudane Cabdifataax Maxamed Cabdinuur, Agaasimaha Guud ee Madaxtooyada Mudane Maxamed Jaamac Cabdiraxmaan iyo Af-hayeenka Ahna Agaasimaha Warfaafinta Madaxtooyada Mudane Jaamac Dabaraani.

GAROWE ONLINE