Agaasimaha sirdoonka Soomaaliya oo u socdaalay Imaaraadka Carabta

Socdaalkan ayaa imaanaya xilli xiriirka Muqdisho iyo Abu Dhabi uu xumaadey muddooyinkii ugu dambeeyay.

MUQDISHO, Soomaaliya - Agaasimaha hay'adda nabad-sugida iyo sirdoonka Soomaaliya, Cabdullaahi Maxamed Cali Sanbaloolshe ayaa safarkiisa u horreeyay oo dibadda ah ku aaday Imaaraadka Carabta.

Sidda ay wararku sheegayaan, Sanbaloolshe ayaa lagu waddaa inuu wadahadalo la yeeshay qaar kamid ah madaxda mukhaabaraadka waddankan ku yaalla Khaliijka.

Sanbaloolshe oo badalay Mahad Maxamed Salaad ku dhowaad labood kahor ayaa waxa uu kahor safarkiisa ku sugnaa gobolka Hiiraan halkaas oo uu ka waday xalinta tabashooyinka reerkiisa.

Socdaalka Sanbaloolshe ee Imaaraadka ayaa ku soo aaday, iyadoo xiriirka Soomaaliya iyo Imaaraadka uu bilihii la soo dhaafay mugdi galay, isla markaana Imaaraadku joojiyey mushaarkii iyo agabkii kale ee ay ciidanka siin jireen.

Horraantii sanadkan ayay aheyd markii xerada Jeneraal Gordan ee Muqdisho lagu dilay Saraakiil u dhalatay Imaaraadka oo ahaa saraakiishii qaabilsaneyd howlgalka tababarka ciidamada Soomaaliya.

GAROWE ONLINE