Booliska oo fashiliyey qarax gaari oo kusoo food lahaa Muqdisho

Image

MUQDISHO, Soomaaliya – Booliska Soomaaliya ayaa sheegay in uu fashiliyey weerar argagixiso oo kusoo foodlahaa magaalada Muqdisho fiidnimadii Axada, habeenka koowaad ee bisha Ramaadan.

Sarkaal boolis ah ayaa dhintay markii gaariga isaga oo isku deyaya in uu ka furo walxo qarxa oo lagu soo rakibay, sidda ay sheegtay Sakiya Xuseen Axmed, taliye ku xigeenka bileyska.

Qaraxa oo ka dhacay degaanka Xaawa Cabdi oo 15 KM dhanka Koonfur uga beegan magaalada caasimada ah, ayaa laga maqlay qaybo kamida Muqdisho, sidda ay sheegeen dadka degaanka.

"Argagixisada waxa ay qorsheyneysay in qarax gaari ay soo geliso Muqdisho si ay ugu dhibaateyso shacabka inta lagu guda jiro Soonka," ayay Sakiya tiri iyada oo war-fidiyeenka kula hadlaysa caasimada.

Sidda ay warsidaha Garowe Online u sheegeen illo wareedyo dhanka amaanka ah, darawalkii waday gaariga ayaa baxsaday markii la qabtay baabuurka uu waday oo la sheegay in ay lahayd Al-Shabaab.

Dhanka kale, booliska ayaa shaaciyey in magaalada Marka xarunta gobolka Shabeellaha Hoose ay kasoo qabteen qaraxyo ay lahayd kooxda xiriirka la leh Urur-waynaha Al-Qaacida.

Amaanka magaala madaxda dalka ku yaala Geeska Afrika ayaa sare loo qaaday inta lagu guda bisha barakeysan ee Ramadaan maadaama laga cabsi qabo weerar ka yimaada kooxda argagixisada ah ee Al-Shabaab.

GAROWE ONLINE

Related Articles

Mareykanka oo $10 Milyan ku raadinaya ninkii ka dambeeyay weerarkii Manda Bay

Cabdullaahi Banati ayaa lagu eedeeyaa inuu qeyb ka ahaa qorsheynta iyo fulinta weerarkii 5tii Janaayo 2020 ee lagu qaaday Manda Bay Airfield.

  • Soomaliya

    08-05-2025

  • 12:37PM

Shirka Golaha Wadatashiga Qaranka oo sii daba-dheereeyay Khilaafka Siyaadeed

Ajendaha shirka waxaa ka mid ahaa taageeridda Ciidanka Xoogga Dalka Soomaaliyeed (CXDS) ee dagaalka ka dhanka ah kooxda Al-Shabaab.

  • Soomaliya

    08-05-2025

  • 09:11AM