Ciidamada Dowladda oo howlgal ka fuliyay deegaano hoos taga G\Shabeellaha Hoose

Howlgalkan ayaa waxaa lagu dilay xubno ka tirsanaa kooxda AS.

Baraawe, Soomaaliya - Ciidmada Dowladda oo kaashanaya saxiibada Caalamka ayaa maanta howlgal qorsheysan ka fuliyay deegaano dhaca gobolka Shabeellaha Hoose oo ay isku abaabulayen xubno ka tirsan kooxda AS.

Howlgalkan ayaa waxaa lagu dilay Seddax xubnood oo ka tirsanaa kooxda, waxaana goobta lagu burburiyay fariisimo ay ku lahaayeen sida lagu sheegay qoraal lagu faafiyay warbaahinta dowladda.

Howlgalkan ayaa waxa uu qeyb ka yahay howlgallo maalmihii la soo dhaafay ay ciidamada dowladda ka sameeyeen gobollada kala duwan ee dalka, waxaana la sheegay in lagu dilay tobneeyo ka tirsan kooxda.

Howlgalladan ayaa intooda badan waxa ay ka dhaceen deegaannada hoos yimaada Dowlad-Goboleedyada Koonfur Galbeed, Galmudug iyo gobolka Jubbada Hoose.

Waxaa lagu dilay sida ay shaaciyeen ilo ka tirsan dowladda xubno badan oo isugu jira maleeshiyo iyo Saraakiil sarsare, isla markaana nolosha lagu qabtay qaar kale.

GAROWE ONLINE