Col.Barre Hiiraale oo u duulay magalada Muqdisho
-
- Posted On 30-08-2014, 03:50PM
Kismayo,Somalia 30 August,2014 [GAROWEONLINE] Col.Barre Aadan Hiiraale oo maanta soo gaaray magalada Kismaayo ayaa galabta isaga iyo wafdigii ka socday DF iyo IGAD u duulay magalada Muqdisho.
Madaxwaynaha mamulka Jubbaland ,xubnaha ka socda DF,IGAD iyo Barre Hiiraale ayaa kulan ku qaatay xarunta Jaamacadda kasoo wararku sheegayaan in looga wada hadlay sidii uu Barre uga qayb gali lahaa shirka dib u heshiisiinta oo laga dhigay bartamaha bisha danbe inuu ka qabsoomo magalada Kismaayo.
Saraakiil ka tirsan mamulka Jubbaland ayaa GO u sheegay Hiiraale inuu ogalaaday dhamaan arrimihii lagu wada heshiiyay ee ahaa inuu Muqdisho u dhoofo iyo ciidankiisa oo dhaqan celin lagu samayn doono si looga daro ciidanka mamulka.
Wada hadalka labada dhinac dhaxeeya ayaa socda mudo afar maalmood ah waxana garwadeen ka ahaa wasiiro dowladda Xasan Shiikh ka socda iyo wakiilka ururka IGAD ee Somalia Maxamed Cabdi Afey.
GAROWE ONLINE
