Dowladda Soomaaliya oo sheegatay dilka iyo qabashada xubno AS ah

Howlgalkan ayaa sidoo kale waxaa lagu soo qabtey 13-kale oo ka tirsanaa xoogaga xiriirka la leh Al-Qaacida.

MUQDISHO, Soomaaliya - Labo ka tirsan maleeshiyaadka Al-Shabaab ayaa lagu dilay deegaanka Cumar Baareey oo qiyaastii 8-KM u jira degmada Afgooye, sidda ay sheegtay warbaahinta dowladda.

Howlgalkan ayaa sidoo kale waxaa lagu soo qabtey 13-kale oo ka tirsanaa Al-Shabaab, sida saraakiil ka tirsan hay’adaha ammaanka u xaqiijiyeen Warbaahinta Qaranka.

"Maleeshiyaadkaan Al-Shabaab ayaa isku dayay inay jidka u galaan dadka safarka ah, si ay uga furtaan waxa ay wataan," ayaa lagu yiri war kasoo baxay xukuumadda

Bayaanka ayaa waxa uu intaas kusoo gabagaboobay: "Ciidanka ammaanka oo ka war helay isku dayga cadowga khawaarijta ah ayaa weerar qorshaysan ku soo afjaray isku daygii boob ee kooxdaan".

GAROWE ONLINE