​Dowladda Soomaaliya oo sheegtay inay dileen 20 katirsan Shabaab

MUQDISHU- Wararka ka imaanaya gobolka Jubbada hoose, ayaa sheegay in xalay ciidamada kumaandoosta Soomaaliya howlgal ka fuliyeen deegaanka Berxaani, kaas oo magalada Kismaayo koonfur galbeedka Kismaayo kaga beagn 60km,

Howlgalka, ayaa sababay iska hor imaad dhexmara labada dhinac, waxaana saraakiil katirsan dowladda noo xaqiijiyeen geerida 20 katirsan mallayshiyada Al Shabaab, waxaana dhulka la mariyay saldhigooda deegaankaas iyo goob agy ku tababaran jireen.

Majirto waxa war ah oo kasoo baxay dhinac Al Shabaab, balse ciidamada dowladda ayaa ku laabtay saldhigyadoodii kadib 24 saac oo ay joogeen deegaanka Beerxaani.

Lama sheegin khasaaro soo gaaray dhinac ciidamada dowladda Soomaaliya, balse waxaa lagu soo beegay xilli maalmo kooban lagu joogo howlgalkii lagu dilay Dul-yaddayn iyo madax sare oo ururka Shabaab katirsan.

GAROWEONLINE