Dugsi loo dhisay agoonta ciidanka booliska Soomaaliyeed

Agoonta Booliska Soomaaliyeed ayaa horey wax ugu baran jirey dhisme ka sameysan jiinkad.

MUQDISHO, Soomaaliya - Ra’iisul Wasaare Maxamed Xuseen Rooble  ayaa maanta xarigga ka jaray dugsiga hoose dhexe ee agoonta Ciidanka Booliska Soomaaliyeed oo dhawaan loo dhisay qaab casri ah.

Agoonta Booliska Soomaaliyeed ee ay ka dhinteen askartii naftooda u huray qaranka, ayaa horey wax ugu baran jirey dhisme ka sameysan jiinkad oo wax yeelo u geysanayay xiliyada kulaylaha, 

Ra’iisul Wasaare Rooble ayaa booqasho ku tagay  xarunta agoonta Ciidanka booliska Soomaaliyeed 24 kii bishii Janaayo ee sanadkii 2021 oo ka damqaday goobta ay wax ku baranayaan.

Rooble ayaa, sidda uu shaaca ka dhigay xafiiskiisa warfaafinta, wuxuu amar ku bixiyey in iskuulka loo badelo mid u qalma ilmo ay ka dhinteen muwaadiniinta naftooda u horey qaranka.

GAROWE ONLINE