HirShabelle oo “wadatashi” u balanqaadey Xildhibaanada ku mata federaalka

Hadalkan ayaa imaanaya xilli uu guux siyaasadeed ka jiro baarlamaanka federaalka kaas oo ay gadaal ka riixayaan mucaaradka.

MUQDISHO, Soomaaliya - Madaxweynaha Dowladda Hirshabeelle Cali Cabdullaahi Xuseen (Cali Guudlaawe), Madaxweyne ku-xigeenka Mudane Yuusuf Axmed Hagar (Dabageed), Guddoonka Baarlamaanka Dowladda Hirshabeelle ayaa caawo munaasabad casho-sharaf ah kala qeyb galay wafdiga labada aqal ee Baarlamaanka Dowladda Hirshabeelle oo Jowhar u yimid ka qeyb galka furitaanka Kal-fadhiga Baarlamaanka Dowladda Hirshabeelle.

Xubnaha labada aqal ee BJFS ayaa ku ammaanay Madaxweynaha Dowladda Hirshabeelle safarkii dheeraa iyo horumarada uu ka sameeyay deegaanada iyo degmooyinka laga xorreeyay Al-Shabaab.

Madaxweynaha Dowladda Hirshabeelle ayaa intaas ku daray “Taladiina, wada-tashigeena iyo wadajirkeena ayaa horumar noo ah, Isku-duubni aan ugu dhaqaaqno xorreynta Galbeedka.”

Madaxweynaha Dowladda Hirshabeelle ayaa berri si rasmi ah u furi doono Kal-fadhiga Baarlamaanka Dowladda Hirshabeelle.

GAROWE ONLINE