Jubaland oo qabatay rag maleegayay weerar burcad-badeednimo

Laba tuhmane kale ayaa la sheegay inay baxsadeen kuwaas oo ay haatan ku raadjoogaan laamaha ammaanka.

KISMAAYO, Jubaland - Ciidamada Booliska Jubbaland ayaa waxa ay sheegeen in ay gacanta ku dhigeen 4-ruux oo looga shakisan yahay in ay yihiin Burcad Badeed.

Shaqsiyaadkan ayaa waxaa lagu eedeeyay in ay qorsheynayeen weeraro ay ku qaadaan Maraakiibta ku sugan Biyaha Soomaaliya.

Laba tuhmane kale ayaa la sheegay inay baxsadeen kuwaas oo ay haatan ku raadjoogaan laamaha ammaanka.

Howlgalka ayaa ka dhacay deegaan xeebeed u dhaw Kismaayo oo qiyaastii 70km dhanka koonfureed kaga beegan, Sabtidii.

Howlgalkan ayaa waxa uu kusoo hagaagayaa xilli xeebaha Soomaaliya ay kusoo badanayaan weerarada shufta badeeda kuwaas oo beegsanaya maraakiibtw caalamiga ah.

GAROWE ONLINE