Khayre oo ka warbixiyay kulan uu la qaatey Uhuru [Sawirro]
-
Wariyaha Muqdisho GAROWE ONLINE
- Posted On 30-01-2019, 01:23AM
NAIROBI, Kenya - Ra'iisul Wasaaraha Somalia, Xasan Cali Khayre ayaa shalay oo Talaado ahayd kulan kula qaatey Madaxtooyadda Kenya, Madaxweyne Uhuru Kenyatta.
Qoraal kooban oo lasoo dhigay barta Twitter-ka Ra'iisul Wasaaraha ayaa lagu sheegay in Khayre iyo Uhuru ay kawada hadleen xoojinta dagaalka ka dhanka ah Al-Shabaab iyo sidii looga ciribtiri lahaa guud ahaan gobolka.
Waxay sidoo kale labada mas'uul isla soo qaadeen muhiimadda ay leedahay iskaashi dhexmara dalalka Geeska Africa, oo amnigooda ay khal-khal ku hayso Kooxda Al-Shaabaab.
Ra'iisul Wasaare Khayre oo booqasho labo maalmood qaadatey ku tagey Kenya kadib weerarkii Dusit D2 hotel ee magaalada Nairobi kaasi oo hubkii Al-Shabaab u adeegsatay qaar ay lahayd dowladda Federaalka ah ee Somalia.
Kenya ayaa wajaysa culeysyo dhanka amniga iyadoo ay Al-Shabaab ka fulisay dalkan weeraro dhimasho badan sababay oo ay kamid ahaayeen kuwii Westgate Mall 2013 iyo Jaamacadda Garissa 2015.
Kenya ayaa wajaysa culeysyo dhanka amniga iyadoo ay Al-Shabaab ka fulisay dalkan weeraro dhimasho badan sababay oo ay kamid ahaayeen kuwii Westgate Mall 2013 iyo Jaamacadda Garissa 2015.
GAROWE ONLINE
