Maamulka Jubaland oo xil-ka qaadis ku sameeyey Maareeye
-
- Posted On 30-09-2014, 09:04PM
Talaado, Sebtember 30, 2014 [GO]- Wareegto maanta kasoo baxdey xafiiska wasaarada warfaafinta, isgaarsiinta iyo gadiidka cirka ee maamulka Jubbaland ayaa xilla ka qaaday Maareeyihii garoonka diyaaradaha Kismaayo Mudane Carab Axmed Cali waxaana loo magacaabey Cabdiqaadir Cabdulaahi Maxamed.
Munaasabada ayaa waxa ugu horeyn ka hadlay wasiirka wasaaradda warfaafinta, boostada, isgarsiinta iyo gaadiidka Mudane Ibraahim Maxamed Aadan (Baajuun) halka dhinaca kale Maareyaha cusub warbaahinta u sheegey hawlaha horyaal isagoo u mahad celiyay maamulkii ka horeeyay ee shaqada waday.
Sidoo kale Maxamed Ismaaciil dhuxuloow ayaa loo magacabay taliyaha ammaanka garoonka diyaaradaha Kismaayo.
Munaasabadaan ayaa ka dhacdey hoolka shirarka garoonka diyaaradaha Kismaayo.
GAROWEONLINE
