Madaxtooyadda Soomaaliya oo dhambaal hambalyo ah u dirtay Eritrea

Fariintan ayaa lagu daabacay barta X (Twitter) ee Villa Soomaaliya xilli Asmara uu gilgilay dabaaldeg.

MUQDISHO, Soomaaliya - Madaxtooyadda Soomaaliya ayaa dhambaal hambalyo ah u dirtay waddanka Eritrea oo u dabaaldageysa maalintii ay xorriyada heshay.

Qoraal lagu daabacay barta Villa Soomaaliya ee Twitter-ka ayaa lagu sheegay in madaxwayne Laftagareen uu farxada la qeybsanayo dadka iyo dowladda Eritrea.

"Madaxweyne Xasan Sheekh Maxamuud ayaa salaan kal iyo laab ah u diray dowladda iyo shacabka Ereteriya, munaasabadda sannad guurada 33-aad ee ka soo wareegtay markii ay xornimada qaateen," ayaa lagu yiri bayaanka.

Fariinta ayaa intaas la raaciyay: "Dadka Soomaaliyeed waxay si wadajir ah uga qayb qaadanayaan xuska safarkii adkaa ee Ereteriya u soo galay madaxbanaanida, iyadoo la sii aqoonsanayo taariikhda wadaagga ah iyo xidhiidhka waara ee ka dhexeeya labadeena dal".

GAROWE ONLINE