Maxamed Mursal oo loo doortay gudoomiyaha Gollaha Shacabka
-
Wariyaha Muqdisho Garowe Online
- Posted On 30-04-2018, 03:54PM
MUQDISHO, Soomaaliya - Wasiirkii hore ee Gaashaandhigga Soomaaliya, Maxamed Mursal ayaa loo doorray Gudoomiyaha cusub ee Gollaha Shacabka kadib markii uu kusoo baxay doorashada.
Gudiga doorashada aya aku dhawaaqay inuu Mursal helay wareegga 3aad 147 cod, iyadoo musharaxii kale ee la tartamay uu helay 118 cod, sidaasina uu ku badiyay.
Maxamed Mursal ayaa bedelaya Maxamed Cismaan Jawaari oo iska casilay xilkan 9-kii bishan kadib markii laga keenay Mooshin kalsooni kala noqosho ah.
Waxaa codeeyay 265 Xildhibaan, oo kamid ah kuraasta Gollaha oo ka kooban 275.
Guusha Mursal ayaa la sheegay inay timid kadib markii Xildhibaanadii u codeeyay Cabdicasiis Lafta Gareen ay aadeen dhankiisa, oo halkaasi ka helay cod badan.
Maxamed Mursal oo horey sidoo kale usoo noqday Safiirka Soomaaliya ee Turkiga ayaa noqonaya gudoomiyihii labaad ee Gollaha oo la dhisay sanadkii 2017-ka.
Filo Taariikhda Gudoomiyaha cusub ee Gollaha Shacabka.
GAROWE ONLINE
