Mucaaradka Soomaaliya oo si weyn u naqdiyay go’aanadii shirka Muqdisho

Sheekh Shariif, Xasan Khayre iyo C/raxmaan C/shakuur ayaa si weyn uga soo horjeestay war-murtiyeedka.

MUQDISHO, Soomaaliya - Madaxwaynihii hore ee Soomaaliya Shariif Sheekh Axmed oo ay wehliyaan Ra’iisul Wasaarihii hore ee Soomaaliya Xasan Cali Kheyre iyo Xildhibaan C/raxmaan C/shakuur ayaa dhaliilay hindisaha doorasho oo hal qof iyo hal cod ah oo ay soo bandhigeen Golaha Wadatashiga Qaran.

Saddexdan Siyaasi oo soo saarey war qoraal ah ayaa waxa ay ku doodayaan in qorshahani uu yahay mid lagu suuragelinayo muddo kororsi sharci darro ah oo loo sameeyo dowlad goboleedyada iyo maamulka Xasan Sheekh.

Boggooda Twitter-ka ayay ku sheegeen inay ku nuux-nuuxsadeen in xaaladaha hadda ka taagan Soomaaliya aysan macquul ahayn in la qabto doorasho noocaan oo kale ah.

Waxa ay tilmaameen in maleyshiyadda Al-Shabaab ay maamulaan ku dhawaad ​​55% dhulkii markii hore ay ka talin jirtay dowladda Soomaaliya.

Dhanka kale, maamul goboleedyada muhiimka ah oo ay ku jiraan Puntland iyo Jubaland ayaa waxa ay doorteen in ay qaadacaan qorshaha NCC.

GAROWE ONLINE