Qaramada Midoobay oo lacag ugu deeqday Somalia
-
- Posted On 09-07-2016, 10:42AM
War-saxaafadeed kasoo baxay xafiiska Qaramada Midoobay ee magaalada New York, ayaa lagu sheegay in lacag loogu yaboohay dalka Somalia taas oo lagu hormarin doono kaabayaasha dhaqaalaha ee dalka.
Lacagtan ay bixisay Jamaciyadda Qurmuumaha ka dhaxaysa, ayaa lagu sheegay inay gaarayso ilaa 2 Milyan oo dollar, waxaana qaybta hore lagu hormarin doono qaar kamid ah gobollada dalka gaar ahaan Banaadir iyo Jubbadda hoose.
Wasiirka Arrimaha Dabadda Somalia, Cabdisalaam Cumar Hadliye, oo ka hadlay kaalmadan, ayaa tilmaamay inay wax badan ay u qaban doonto shacabka waddanka, isagoo dhinaca kalena sheegay in deeqdan aaney qeyb ka aheyn barnaamijka hiigsiga Cusub (New Deal).
Sanduuqa horumarinta iyo nabadda Qaramada Midoobe oo lacagtaan bixiyay ayaa xusay in dowladda Soomaaliya u baahantahay in laga taageero dhinacyada hormarka iyo dhisidda kaabayaasha dhaqaalaha.
Lacagtan ayaa si toos ah ugu dhici doonto Bangiga dhexe ee ay maamusho dowladda Federalka Somalia.
Maaha markii ugu horaysay ee lacag loogu yabooho Somalia, waxuuna kusoo aadayaa xilli dalka dabayaaqada sannadkan ka dhici doonto doorashada madaxtinimo.
GAROWEONLINE
