Queen Elisabeth II oo xaflad loogu qabtay Muqdishu
-
- Posted On 08-06-2016, 10:41AM
MUQDISHU- Ra'isal wasaaraha dowladda Federalka iyo mas'uuliyiin katirsan xukuumadda Soomaaliya ayaa maanta ka qayb galay munaasabad lagu xusayay dhalashada boqoradda Ingiriiska Queen Elisabeth II.
Xuskaasi oo lagu qabtay magaalada Muqdishu caasumadda Soomaaliya, ayaa laga soo jeediyay taariikhda boqoradda dalkaasi, waxaana loo diray hambalyo ku aadan waqtigii ay dhalatay, waxaana soo qaban qaabiyay safiirka Britain u qaabilsan dalka Soomaaliya.
Ra'isal wasaare Cumar Cabdirashiid Cali Sharmake, oo khudbad kooban ka jeediyay xuskaasi ayaa hambalyo u diray Queen Elisabeth II, wuxuuna dalkaasi ku ammaanay doorka ay ka qaateen hormarinta Soomaaliya iyo dib u dhiska hadda socda.
Qabashada xuskan ayaa kusoo aadaya xilli muddooyinkii dambe magalada Muqdishu kusoo badanayeen munasaabadaha ay ku dhigayaan waddamada safiirradoodu ka howl galaan caasumadda Soomaaliya, waxaana xaflad sidaan oo kale ah Ra'isal wasaare Cumar kala qayb galay mas'uuliyiin katirsan dowladda Ethiopia kuwaas oo u dabaal dagayay maalinta midowga qowmiyadaha waddankaas.
GAROWEONLINE
