Shacab ku dhamaadey qarax ka dhacay gobolka Shabeellaha Dhexe

Qaraxan ayaa ka dhacay agagaarka tuulada Raaxoi ee waqooyiga Balcad.

MUQDISHO, Soomaaliya - Inta la xaqiijiyay todoba qof oo shacab ah ayaa ku dhintay afar kalana waa ay ku dhaawacmeen qarax ka dhacay gobolka Shabeellaha Dhexe.

Qaraxan ayaa ka dambeeyay kadib markii gaari rakaab ah oo ka ambabaxay magaalada Jowhar kuna sii jeeday magaalada Muqdisho uu haleelay qarax miino.

Warbaahinta ku hadasha afka Dowladda federaalka ah ee Soomaaliya ayaa sheegtay in weerarkan ay ka dambeysay Kooxda AS wallow dhankooda aysan wali sheegan.

Qaraxan ayaa ka dhacay agagaarka tuulada Raaxoi ee waqooyiga Balcad. Falkan wuxuu imaanayaa xilli xalay ismiidaamin ka dhacdey xeebta Liido ay galaafatay 35 ruux.

GAROWE ONLINE