Shacabka Caabudwaaq oo qabsaday hub ay “soo iibsatay” Dowladda Soomaaliya

Dhanka kale, boobka hubkan ayaa la wariyay inuu ka horeeyay dagaal sababay dhimasho iyo dhaawac.

MUQDISHO, Soomaaliya - Muuqaallo si weyn ugu faafay baraha bulshadda ayaa muujiyay shacab hubeysan oo bilaliqeysanaya hub saaran ugu yaraan labo gaadiid nooca xamuulka qaada ah.

Fahfaahinada qaar waxay xusayaan in hubkan uu yahay mid ay Dowladda Soomaaliya kasoo iibsatay dhigeeda Itoobiya wallow aan la xaqiijin karin.

Dhanka kale, boobka hubkan ayaa la wariyay inuu ka horeeyay dagaal dhexmaray ciidanka Galmudug iyo dadka degaanka kaas oo labo qof ay ku dhimatay.

Xiisad ayaa wali ka taagan magaalada Caabudwaaq ee gobolka Galgaduud tan iyo markii shalay ay shacabka degmada qabsadeen hub la sheegay in ay dowladda Soomaaliya kasoo iibsatay Itoobiya.

Dhaqdhaaqyo iska soo horjeeda ayaa lasoo warinayaa kuwaasoo kala ah in Dowladda Soomaaliya isku dayayso soo celinta hubka halka dadka degaanka ay u xusul duubanayaan sidii ay isku difaaci lahaayeen.

GAROWE ONLINE