Somalia: Xaaladda Dhuuso-mareeb oo dagan
-
- Posted On 02-03-2016, 03:17PM
DHUUSO MAREEB, Somalia- Xaaladda magalada Dhuuso-mareeb ayaa haatan dagan kadib dagaal xooggan oo ilaa xalay saq dhexe kasocday, waxaana isku dhaca labada dhinac ku dhintey ku in kabadan 10 ruux.
Dagaalka, ayaa u dhaxeeyay maamulka Ahlu Sunna iyo mallayshiyaad la tuhunsanyahay inay taageersanyihiin maamulka Galmudug islamarkaana uu hogaaminayay sarkaal horay uga fallaagoobay dowladda Somalia.
Xiriiro aan la samaynay dhinacyada dagallaamay waxaa adkaatay inaan ka helno xog dhaafsiisan in dagaalku joogsaday, balse Afhayeenka maamulka Ahlu Sunna oo la hadlay warbaahinta gudaha waxaa uu sheegay inay dileen in kabadan 20 katirsan mallayshiyaad uu tilmaamay inay soo weerareen.
Dhinaca kale warar maxalli ah oo dagaalkaasi ka helnay, waxay sheegayaan in dagaalku joogsaday kadib markii ciidamo katirsan Galmudug oo dagaalkaasi qayb ka ahaa ka baxeen isku dhaca islamarkaan dib uga laabteen magalada Dhuuso-mareeb.
Gacan ku haynta magaaladaasi, waxaa sheeganaysa maamulka Ahlu Sunna.
GAROWEONLINE
