Soomaaliya iyo Sacuudiga oo ka shiray xoojinta iskaashi dhexmara

Ra’iisul Wasaare Ku Xigeenka dalka ayaa qaabilay Danjire Axmed Binu Muxumed Al-Mawlid.

MUQDISHO, Soomaaliya - Ra’iisul Wasaare Ku-xigeenka Xukuumadda Jamhuuriyadda Federaalka Soomaaliya, Saalax Axmed Jaamac, ayaa xafiiskiisa ku qaabilay Danjiraha Boqortooyada Sucuudi Carabiya u fadhiya Soomaaliya, Axmed Binu Muxumed Al-Mawlid.

Labada mas'uul ayaa, sidda lagu sheegay war-saxaafadeed rasmi ah, waxa ay ka wadahadleen xoojinta xiriirka iyo iskaashiga ka dhaxeeya labada dal ee walaalaha ah.

Saalax ayaa uga mahadceliyey Boqortooyada Sucuudiga taageerada ay siiso Soomaaliya, gaar ahaan dhinacyada amniga, horumarinta adeegyada asaasiga ah iyo gargaarka.

HOOS KA AKHRISO BAYAANKA

Ra’iisul Wasaare Ku-xigeenka Xukuumadda Jamhuuriyadda Federaalka Soomaaliya, Mudane Saalax Axmed Jaamac, ayaa xafiiskiisa ku qaabilay Danjiraha Boqortooyada Sucuudi Carabiya u fadhiya Soomaaliya, Mudane Axmed Binu Muxumed Al-Mawlid, iyaga oo ka wada hadlay xoojinta xiriirka iyo iskaashiga ka dhaxeeya labada dal ee walaalaha ah.

Mudane Saalax ayaa uga mahadceliyey Boqortooyada Sucuudiga taageerada ay siiso Soomaaliya, gaar ahaan dhinacyada amniga, horumarinta adeegyada asaasiga ah iyo gargaarka.

GAROWE ONLINE