Taliye nabad sugidda katirsan oo Cadale lagu dilay
-
- Posted On 06-03-2016, 09:23AM
CADALE- Taliye ku-xigeenkii ciidanka nabad sugidda degmada Cadale gobolka Shabeellaha dhexe ayaa xalay lagu dilay magaladaasi, kadib muran soo kala dhex galay mid kamid ah ciidamada degmada.
Ibrahim Maxamed Waraabe, ayaa dhintay kadib markii ay is afdhaafeen mid kamid ah ciidamada uu horjoogaha u ahaa, waxayna isku khilaafeen howl gal ciidanka loo diray.
Ninkii sarkaal dilay, ayaa laftiisa xalay lagu dilay degmada Cadale, waxaana qudha ka jaray ciidamada nabad sugidda oo falka kadib raacdeystay.
Xaaladda magalada ayaa degan, waxaana la filayaa in labada ninba lagu aaso degmada Cadale oo xalay falkaasi ka dhacay.
Majirto, wax war ah oo kasoo baxay taliska nabad sugidda Somalia.
GAROWEONLINE
