Xukuumada oo naqdiday odayaashii guddiga doorashada Jubbaland

Image

MUQDISHO, Soomaaliya - Xukuumadda Federaalka Soomaaliya ayaa ka hor-timid odayaasha guddiga doorashooyinka Jubbaland sheegay in ay soo xulayaan Xildhibaanada cusub ee Golaha Wakiilada maamulkaasi.

Odayaashaasi oo ka kooban 135 xubnood ayaa waxaa la tilmaamay in ay ka kala socdaan dhamaan dhinacyadda ku heshiiyey dhismaha dowlad goboleedka Jubbaland. [Halkan ka akhriso]

Hasa ahaatee war-saxaafadeed kasoo baxay Wasaaradda Arrimaha Gudaha ayaa lagu qeexay odayaasha aysan waafaqsanayn "diiwaan-gelinta Wasaarada ee dhaqanka rasmiga ah ee beelaha Jubbaland".

Bayaanka oo lagu caddeeyay in Wasaaradu diyaar u tahay in ay la shaqeyso Guddiga iyo Wasaarada Arrimaha Gudaha Jubbaland ayaa ka digtay "khatar ka imaan karta" in odayaashan ay soo xulaan Xildhibaanada.

"Diiwaan-gelinta murashaxiinta ansax ma noqoneyso inta laga soo xulayo Xildhibaanada," ayaa lagu yiri warka qoraalka ah ee kasoo baxay Wasaarada oo warsidaha Garowe Online uu arkay.

Talaabadan oo uusan weli ka jawaabin maamulka Kismaayo ayaa kusoo beegmeysa iyadda oo coddeynta Jubbaland loo balansan yahay bisha dambe ee August, taasi oo ay ka harsan tahay maalma kooban.

Murashaxiinta qaarkood ayaa la diiwaan-geliyay oo uu kamid yahay madaxweyne Axmed Madoobe oo doonaya in uu difaacdo kursiga oo uu ku fadhiyo tan iyo sanadkii 2013-kii.

WAR-SAXAAFADEEDKA

GAROWE ONLINE

Related Articles

Madaxweynaha Dowladda Puntland oo Qaabilay Safiirka Ingiriiska ee Soomaaliya

Sidoo kale, Dowladda Ingiriiska ayaa Dowladda Puntland ku wareejisay deeq isugu jirta daawooyin iyo agab caafimaad.

  • Soomaliya

    10-07-2025

  • 02:57PM

Hormuud Salaam Foundation oo la guddoonsiiyay Abaalmarinta Hoggaaminta Saamaynta leh ee Bulshada Afrika

Abaalmarintani waxay marqaati u tahay go’aankeenna adag ee ah dhismaha mustaqbal ifaya oo bulshada Soomaaliyeed u horseeda fursado.

  • Soomaliya

    10-07-2025

  • 09:38AM