Fannaaniin shil ku galay nawaaxiga Hargaysa
-
- Posted On 27-03-2017, 09:41PM
HARGAYSA, Somaliland- Qaar kamid ah fannaaniinta xidigaha Geeska ayaa shil gaari ku galay nawaaxiga magaalada Hargaysa ee xarunta maamulka Somaliland, siday ay GO u xaqiijiyeen qaar kamid ah mas’uuliyiinta kooxdaas.
Shilka ayaa ka dhacay tuulada lagu magacaabo Abaarso oo qiyaastii 15KM dhinaca Galbeed ka xigtay magaalada Hargaysa.
Fanaaniinta shilka galay, ayaa la sheegay inay saarnaayeen Gaari noociisu yahay HAMMER oo uu leeyahay Musician-ka kooxda Axmed Weli Furinle.
Majirto wax khasaaro ah oo ka dhashay shilkaas, balse waxaa bur-bur laxaad leh soo gaaray baabuurka ay ku safrayeen fannaaniintu.
Shilka ayaa dhacay xilli roobab laxaad leh ka da'ayeen nawaaxiga magaalada Hargaysa.
Majirto si rasmi ah u faah faahisay sababta keentay shilka baabuurka.
Kooxdan ayaa socdaal dalxiis u ahayd tuulada Abaarso, waxaana qorshahoodu ahaa inay soo laabtaan isla maanta.
Ilaa todobo qof ayaa ku safrayay baabuurka bur-buray.
GAROWEONLINE
