Mas'uul ka tirsan Somaliland oo qarax gaari lagu khaarijiyey
-
WARIYAHA HARGEYSA GAROWE ONLINE
- Posted On 02-03-2020, 06:38PM
HARGEYSA, Somaliland – Warar dheeraad ah ayaa kasoo baxaya qarax gaari oo maanta oo Isniin ah laga soo tabiyey magaaladda Laascaanood ee xarunta gobolka Sool, waqoyga dalka Soomaaliya.
Dadka degaanka ayaa khadka telefoonka ugu sheegay warsidaha Garowe Online in qaraxa uu ahaa mid lagu xiray gaari.
Gaariga lagu dhejiyey qaraxa waxaa lagu waramay in uu lahaa Guddoomiyihii maxkamadda gobolkaas ugu magacownaa Somaliland.
Xasan Sheekh Maxamuud oo la tibaaxay in xiliga uu falku dhacayey uu la socday baabuurka ayaa lasoo wariyey in uu u dhintay dhaawac soo gaarey.
Booliska oo meesha ay wax ka dhaceen tegay ayaa bilaabay baaritaano lagu baadigoobayo "gacan ku dhiigleyaasha".
Ma jirto koox illaa iyo haatan dusha saaratay mas'uuliyadda falkaas, wallow dhacdooyinka noocaan ah aanan looga baran degaanaddaas.
Laascaanood, oo kamid ah degaanada ay ku muransan yihiin maamulada Puntland iyo Somaliland, ayaa qiyaasiytii 750 KM [466 miles] u jirta magaala madaxda waddanka Soomaaliya ee Muqdisho.
GAROWE ONLINE
