Maxuu ka yiri Muuse Biixi Dabkii ka kacay degmada Wajaale?

Image

HARGEYSA, Soomaaliya - Maamulka Somaliland ayaa ka hadlay dabkii xalay qabsaday suuqa ganacsiga ee magaalada Wajaale, kadib markii madaxtooyada ay soo saartay warsaxaafadeed ay kaga hadleeso dhacdadan.

Muuse Biixi ayaa ku sheegay bayaanka in uu ka xun yahay, isla markaana uu ka damqaday muwaadiniintii ku hanti beelay dabkan, isaga oo sidoo kale ka tacsiyadeeyey dadkii ku waxyeeloobay .

Waxaana uu oo kula dardaarmay eheladooda in ay samir iyo iimaan ka qaataan. Wuxuu sidoo kale carrabka ku adkeeyay muhiimadda ay leedahay in loo diyaargaroobo soo kabasho degdeg ah.

Muuse Biixi ayaa bogaadiyay dedaalka ay ciidanka dab-demiska ugu jiraan ilaalinta hantida iyo daminta dabka. Sidoo kale waxa uu ku booriyay in baaritaan dhab ah lagu sameeyo dhacdooyinka soo noq noqday ee tan la mid ah.

Waxa uu sidoo kale ugu baaqay Muwaadiniinta inay u hoggaansamaan talooyinka iyo hab-raacyada ay u soo jeediyeen Ciidanka Dab-demiska si loo yareeyo khasaaraha ka dhalan kara dabka.

GAROWE ONLINE

Related Articles

Somaliland oo Dalbatay in Soomaaliya Dib Loogu Soo Celiyo Cunaqabateynta Hubka

Somaliland, oo 1991-kii ku dhawaaqday inay kaga go’day Soomaaliya inteeda kale balse aan weli helin aqoonsi caalami ah.

  • Somaliland

    03-08-2025

  • 03:52PM

Somaliland oo sharci darro ku tilmaantay maamulka cusub ee Waqooyi Bari

Wasiirka Warfaafinta, Axmed Yaasiin Sh. Cali Ayaanle, oo warbaahinta la hadlay kadib kulanka, ayaa sheegay in Somaliland...

  • Somaliland

    02-08-2025

  • 01:45PM