Nuux Taani oo Booqday Buq-Dharkayn
-
- Posted On 28-11-2023, 12:52AM
Laascaanood-Taliyaha Ciidamada Somaliland, Nuux Ismaaciil Taani ayaa Booqasho ku tagay sida uu ku waramay Telefishinka Somaliland deegaanada u dhaw Buq-Dharkayn.
Walaw Garowe Online aysan si madax banaan u xaqiijin karin in halka Nuux Taani booqday ay tahay Buq-Dharkayn misana warbaahinta lagama siidayn hadalka Nuux Taani oo aan indhawaala la maqal warkiisa tan iyo intii Ciidankiisu sida ba'an ugu jabay dagaalkii 25 Augost ku qabsaday Goojacadde.
Hogaanka Hawlgalinta ciidamada Somaliland oo hadlay ayaa sheegay in ciidanku Heegankiisi caadiga ahaa ku jiro isla markaana guulaysan doono.
SSC-Khaatumo ayaa horey u sheegtay in Buq-dharkayn ay kula dagaalameen ciidamada Somaliland balse aysan halkaasi joogin maleeshiyo beeleed sida ay hadalka u dhigeen.
Colaada Sool ayaa laga digayaa in ay isku badasho mid Beelo iyada oo u muuqata mid Reer Mi'yiga ku faafaysa.
GaroweOnline.
