Silaanyo oo qaatey waraaqdda diwaangalinta codbixita
-
- Posted On 30-04-2016, 04:09PM
HARGEYSA- Madaxweynaha Somaliland Axmed Maxamed Maxauud(Siilaanyo), ayaa si rasmi ah iskaga diiwaangeliyey xarunta aqalka shaqaalaha ee magaalada Hargeysa, waxana uu halkaas ka qaatay warqadda diiwaangelinta ee uu kaga qaybgeli doono doorashooyinka madaxtinimo iyo golaha wakiillada kuwasoo dhici doona horaanta sanadka 2017.
Madaxweyne Siilaanyo oo ay wehelinayeen xubno tiro badan oo xukuumaddiisa ka tirsan, ayaa waraaqaha diiwaangelinta qaatay, waxana hormood u noqdeen kumanaan shacab ah oo ku dhaqan gobolka Maroodi-jeex oo ay u bilaabantay diiwaangelintu.
Madaxweynuhu xilligii uu warqadda diiwaangelinta qaadanayey ma jirin wax hadal ah oo uu goobtaas ka jeediyey, balse xubno wasiirradiisa katirsan, ayaa shacabka ugu baaqay inay si mug leh uga qayb qaataan diiwaangelinta, si ay fursad ugu helaan codaynta madaxweynaha iyo golaha wakiillada.
Somaliland waxa muddo bil ah kadib dib uga bilaabantay diiwaangelinta codbixiyayayaasha oo hore loo hakiyey, kadib markii ay abaaro baahsani gobollada qaar aafeeyeen.
GAROWEONLINE, Hargeysa
