Somaliland: Boliiska oo qabtay dad dil gaystay
-
- Posted On 14-03-2016, 10:20PM
Burco- Ciidamada Booliska Somaliland, ayaa gacanta kusoo dhigay saddex eedaysane oo lagu tuhmayo dilka nin darawal ahaa oo maanta lagu dilay magaalada Burco.
Marxuumka dhintay oo lagu magacaabi jirey Yuusuf Muuse Cawil (Budul), ayaa lagu toogay bartamaha magaalada Burco, waxaana ciidamada Boliisku dabagal dheer kadib ku guulaysteen inay soo qabtaan saddex nin oo dilkiisa loo aanaynayo, kuwaas oo gacanta ciidanka ku jira.
Afhayeenka ciidanka Boliiska Faysal Xiis, ayaa warbaahinta u xaqiijiyey inay ciidamadu soo qabteen raggii dilka geystay, isla-markaana sharciga la horgeyn doono.
Marxuumka dhintay, ayaa kasoo jeeday degmada Buuhoodle, waxaana wararka dilkiisa laga helayaa sheegayaan in aano qabiil loo dilay.
GAROWEONLINE
