Somaliland: Shaqo kuma lihin doorashooyinka Soomaaliya

HARGEYSA, Soomaaliya - Somaliland ayaa shaaciyay inuusan qeyb ka ahayn, islamarkaana waxba ka khuseynin heshiiskii doorashadda ee 17-kii bishan Muqdishi ku saxiixdeen DF iyo Maamullada.

Wasaaradda Arrimaha Dibadda Somaliland ayaa caddeysay in heshiiska lagu gaarey Muqdisho uu yahay "riyo iyo marin-habaabin", waxaana looga baaqay shacabka maamulkaasi inay ka feejignaadaan "hagardaamooyinka".

Waxay sheegtay Somaliland inay tahay dowlad "madax-banaan", oo aan wax shaqo ah ku lahayn nidaamka doorashooyinka oo ay tilmaantay inuu dejiyay maamul taagdaran oo ka jira Soomaaliya.

GAROWE ONLINE