Maamullada oo la saftay Xaaf, kana hor yimid Go'aankii Aqalka Sare
-
Wariyaha Muqdisho GAROWE ONLINE
- Posted On 03-10-2018, 10:51PM
MUQDISHO, Soomaaliya - Madaxda dowlad goboleedyada dalka ayaa soo saarey war-saxaafadeed ay taageero ugu muujiyeen Madaxweynaha Galmudug, Axmed Ducaalle Geelle Xaaf, iyagoo dhanka kale kahor yimdi go'aankii Aqalka Sare ee shalay.
Warkan qoraalka ah ee ay soo wada saareen Madaxweyniyaasha Puntland, Galmudug, Jubbaland iyo Koonfur Galbeed ayaa waxaa ka maqan Madaxweynaha HirShabeelle, Maxamed Cabdi Waare oo dhawaan la heshiiyay dowladda Federaalka ah ee Soomaaliya.
Madaxda dowlad goboleedyada ayaa ku baaqey in Galmudug laga joojiyay faragelinta lagu arrimaheeda gudaha, taasi oo ay sheegeen inay qeyb ka tahay waxyaabihii keenay inay xiriirkii wadashaqeynta uu jaraan dowladda dhexe bishii lasoo dhaafey.
Aqalka Sare ayaa laga dalbaday inuu xushmeeyo War-murtiyeedkii Kismaayo, ee ku baaqaya in Gollaha Iskaashiga dowlad goboleedyada loo madax-baneeyo ka-tashiga arrimahooda gaarka ah.
GAROWE ONLINE
