Baarlamaanka Puntland oo ansixiyay Miisaaniyada dowlada [Daawo]

Image
Image

GAROWE, Puntland – Xubnaha Golaha Wakiilada dowladda Puntland ayaa maanta oo Axad ah fadhi aan caadi ahayn waxay ku yeeshay xaruntooda magaaladda caasimadda ah ee Garowe.

Afhayeenka Aqalka, Cabdixakiin Maxamed Axmed, oo ay wehliyaan labadiisa ku xigeen ayaa gudoomiyay kulankaasi.

Ajendaha kulanka ayaa wuxuu ahaa meel-marinta Miisaaniyadda dowladda ee sagaalka bilood ee soo aadan.

Fadhigaan oo ah midka 24aad ee kal-fadhiga 43aad ayaa waxaa soo xaadirtay 40 mudane, oo kamid ah 66 Xildhibaan ee uu ka kooban yahay Golaha.

Mudanayaasha ayaa maalintii shalay ahayd ka yeeshay Miisaaniyadda dood xiiso badan, iyada oo mas'uuliyiinta wasaarada maaliyada su’aallo laga waydiiyay.

Wasiirka Maaliyadda Puntland, Xassan Shire Cabdi, ayaa todobaadkii hore u soo gudbiyay Sharcidejinta miisaaniyada si ay uga guraan waajibaadkooda.

Gudoomiye Cabdixakiin oo furitaanka kulanka hadalka qaatay ayaa sheegay in Miisaaniyadaan ay muhiim u tahay in la ansixiyo si howlaha dowlada u sii socdaan.

Cod gacan taag kadib, natiijada kasoo baxday waxa ay ka noqotay in hal Xildhibaan uu ka aamusay, mid kale uu diiday, xili ay 38 u codeysay.

Cadad ahaan Miisaaniyaddaan ayaa gaareysay $54,000,450 [konton iyo afar malyan, afar boqol iyo konton dollar], xili ay horey u soo meel-mariyeen Golaha Wasiirada.

Sidda laga soo xigtay mas'uuliyiinta wasaarada Maaliyadda, meelaha ugu badan ee Miisaaniyada qoondada ku leh waxaa kamid ah; amniga iyo adeegyada bulshada sida caafimaadka iyo waxbarashada.

HOOS KA DAAWO MUUQAALKA

GAROWE ONLINE

Related Articles

Booliska Puntland oo fahfaahin ka bixiyay is-rasaaseyntii koontaroolka Bari ee Garoowe

Baaritaan rasmi ah ayaa socda, waxaana dhammaan eedeysanayaasha la hor geyn doonaa sharciga, ayuu lagu yiri qoraalka booliska.

  • Puntland

    22-03-2025

  • 02:00PM

Duqeyn Cirka ah oo Imaaraadka Carabta Ku Bartilmaameedsatay Saldhigyada ISIS ee Puntland

Taageeradda Cirka ee imaaraadka Carabta ayaa la filayaa inay kordhiso awoodda Ciidanka Puntland, oo aad u daciifiyay ISIS.

  • Puntland

    11-03-2025

  • 07:45PM