Abiy Axmed oo dabciyey mowqifkiisa wadahadaladda TPLF

Ra'iisul Wasaaraha Itoobiya ayaa xaqiijiyey talaabadii ugu horeysay uu u qaadey dhanka wadaxaajoodka.

ADDIS ABABA, Ethiopia - Ra’iisul Wasaaraha Itoobiya Abiy Axmed ayaa Talaadadii sheegay in dowladda Federaalka ay sameysay guddi wada xaajood la gala ciidamada ka soo jeeda gobolka Waqooyi ee Tigreega ee fallaagada ah.

Colaadda labada sano ku dhow ee Itoobiya, oo ah dalka labaad ee ugu dadka badan Afrika, ayaa waxaa ku barakacay in ka badan 9 milyan oo qof, waxaana qaybo ka mid ah Tigrayga uu galay xaalad macaluul ah.

"Arrinta nabadda... guddi ayaa la sameeyay, waxayna daraasad ku sameyn doonaan sida aan wada-hadallada u yeelanno," ayuu Abiy u sheegay baarlamaanka.

Guddigan oo uu hoggaaminayo Ra’iisul Wasaare ku xigeenka Demeke Mekonnen, ayaa heysta 10 ilaa 15 maalmood si ay ugu soo saaraan faahfaahinta wada xaajoodyada.

Debretsion Gebremichael, oo ah gudoomiyaha Jabhada Tigray People’s Liberation Front (TPLF) ayaa sheegay in kooxdiisu ay diyaar u tahay in ay ka qayb qaadato hannaan nabadeed oo lagu kalsoonaan karo, eex la’aan iyo mabda’a ku dhisan, ayna soo diri doonaan wafdi.

Kooxda TPLF – oo hore uga tirsanaan jirtay jabhada ayaa isu beddeshay xisbi siyaasadeed – waxa ay haysay siyaasadda qaranka muddo ku dhow sodon sano ilaa markii Abiy la magacaabay 2018 ay xukunkooda ka dhigeen Tigray.

"Diyaar uma nihin inaan samayno heshiisyo qarsoodi ah ama aan ka gorgortano mabaadi'dayada dhiirigelinta maadada," Debretsion ayaa ku yiri warqad furan oo la soo dhigay Twitter-ka.

TPLF ayaa Abiy ku eedaysay in uu doonayo in uu awood u yeesho in uu maamul dhexe ka sameeyo gobalada, halka uu sheegay in ay doonayaan in ay dib u hantaan awooda qaranka. Is-eedeynta ayaa isku badashay gacan ka hadal.

GAROWE ONLINE