Booliska oo xiray nin "dilay" hooyadiisa kadibna aasay

Dadka deegaanka ayaa sheegay in ninkaasi uu Hooyadiis dhib ku hayay oo uu sabab u ahaa geerideeda.

NAIROBI, Kenya – Booliska Kenya ayaa xiray nin 51 sano jir ah oo looga shakiyay inuu dilay hooyadiis islamarkaana uu ku aasay qabri gacmeed ku yaala tuulada Kasarani ee waqooyiga Igembe ee ismaamulka Meru, sida ay sheegeen saraakiisha deegaanka.

Mr Isaac Ntongai ayaa la sheegay in uu si qarsoodi ah u aasay meydka hooyadiis, Ms Mariam Kainda, oo 86 jir ah, isaga oo aan la socodsiin xubnaha kale ee qoyska iyo maamulka ka dib markii lagu eedeeyay in ay gacantiisa ku dhimatay.

Dadka deegaanka ayaa ku waramaya in ninkan lagu arkay dhowr jeer isaga oo garaacaya hooyadiis, waxaana ka mid ahaa xilli lagu tuhmayo in ay geeriyootay.

Dadka deegaanka ayaa sheegay in ninkaasi uu Hooyadiis dhib ku hayay oo uu sabab u ahaa geerideeda.

“Waxa aanu maqalnay iyada oo ka baryaysa in uu nafteeda u dhaafo sidii uu u garaacayay. Waxa uu u garaacayay sida ilmaha loo garaaco,” ayuu yiri mid ka mid ah dadka deegaanka oo aan la xaqiijin karin sheegashadiisa.

Mr Ntongai ayaa u sheegay booliiska in dadka deegaanka oo careysan ay doonayaan in ay isaga garaacaan balse hooyadii ay u dhimatay sababo dabiici ah (Qadarta Alle) oo ay xitaa ay u ducaysay isaga iyo wiilkiisa daqiiqado ka hor dhimashadeeda.

Beeralayda ayaa sheegay in uu guriga ku haysan jiray hooyadii oo xanuunsan isaga oo ku eedeeyay inay soo saartay awaamiir adag oo ah inaan loo qaadin cisbitaal ama qolka meydadka.

“Maalintaas ma roona, waxaana aragnay in ay xaaladeeda xun tahay oo ay ku adkaatay neefsashada. Xaaskayga ayaa u diyaarisay boorash laakiin way qaadan kari wayday. Way ii ducaysay aniga iyo gabadheyda, subaxiina waxaan ogaanay inay dhimatay,” ayuu yiri Mr Ntongai.

Eedeysanaha ayaa ku hadlay erayo is khilaafsan intii su’aalaha la waydiinaayay isaga oo ku andacoonaya in Hooyadii ay isla markiiba geeriyootay markii ay u ducaysay balse markii dambe ayuu ku dooday uu subixii ku arkay internetka iyadoo meyd ah.

Booliska, ayaa soo saaray meydka waxayna geeyeen qolka meydka ee isbitaalka Nyambene si loogu sameeyo baaritaan dheeri ah.

Wuxuu ku andacoonayaa inuu booqday xafiiska madaxa deegaanka isniintii isagoo doonaya ogolaanshaha aaska balse aan la siinin mid sababtoo ah ma uusan wadan warqad aqoonsi mar la waydiiyay sababta uu maamulka u ogaynsii waayay geerida.

Mr Ntongai ayaa sheegay in uu go’aansaday in uu aaso hooyadii isaga oo gacan ka helaya xaaskiisa kadib markii maamulayaasha ay wax ka qaban waayeen.

Si kastaba ha ahaatee, kaaliyaha madaxa Ndoleli Fredrick Michubu ayaa sheegay in dhimashada uu ka war helay oday dhaqameed ka mid ah dadka tuulada, kaas oo ku wargaliyay in haweenayda da’da ah si qarsoodi ah loo dhex galiyay iyada oo aan fasax loo haysan.

Dhacdadan ayaa timid labo bilood ka dib markii booliska isla deegaankaas ay xireen nin looga shakisan yahay inuu dilay inantiisa oo curyaan ah islamarkaana uu ku aasay qabri gacmeed ku yaal tuulada Mwerolaare ee waqooyiga Igembe.

Mr Lawrence Kirimi ayaa si degdeg ah ugu aasay Yvonne Kendi, oo 13 jir ah, qabri jilibka ka qoto dheer oo ku yaal beertiisa Miraa, gurigiisa gadaashiisa bishii Abriil.

Madaxa sare ee Ntunene Murungi Matundu ayaa sheegay in aabaha 50-jirka ah ee dhalay todobo caruur ah uu u dhaqmay si shaki leh ka dib markii ay mas'uuliyiintu booqdeen gurigiisa si ay u baaraan dhacdada, mana u dhaqmin sidii qof murugo leh.

Muuqaallada saraakiisha dambiyada ee meydka soo saaray ayaa muujinaya in meydka uu weli daadanayo dhiig, saddex maalmood kaddib markii la aasay, waxayna soo jeediyeen in laga yaabo in gabadha la dhaawacay.

GAROWE ONLINE