Kenya oo ka carootay hadalo kasoo yeeray UK iyo Mareykanka

Dhawaqan ayaa la xiriira weeraro suurtagal ah in maleyshiyaadka Al-Shabaab ay geysan karaan weeraro.

NAIROBI, Kenya - Dowladda Kenya ayaa "wax laga xumaado" ku tilmaantay digniin amni oo ay soo saareen Mareykanka iyo Ingiriiska, balse waxay ku boorisay Kenyaanka feejignaadaan "xilli ay u dabaal dageyso guul ka dhan ah Al-Shabaab".

Xoghayaha joogtada ah ee arrimaha dibadda ee Kenya Korir Sing’oei ayaa sheegay "in dalka uu ka socdo guulo waaweyn oo laga gaaray dagaalka lagula jiro kooxda argagixisada ah ee xiriirka la leh Al-Qaacida".

"Digniinaha argagaxisada mideysan ayaa gabi ahaan nasiib darro ah, laakiin duruufaha lagu soo rogay waxaa sabab u ah cadaadiska Al-Shabaab ay ka dareemayso Soomaaliya oo ay uga imaanayaan dadaallada wadajirka ah ee ay wadaan mas'uuliyiinta, bulshada iyo ciidamada Soomaaliya,"  ayuu Dr Sing'oei yiri.

Waxa uu hadalkiisa intaas kusii daray: "Runtii [maleyshiyaadka Al-Shabaab] waa baxsad waxaana la rumeysan yahay in qaarkood laga yaabo inay soo galeen xudduudahayaga".

"Sidaas darteed, saldhigga sirta noocaas ah waa waxa keenay digniinta argaggixisannimada ka hor. Ma aha digniin cas oo ku saabsan shay caqabad ku ah amniga. Tani waa uun in dadka lagu baraarujiyo deegaankooda sida meelaha ciriiriga ah," ayuu ku daray.

Mas'uulka ayaa sii raaciyey: "Saamaynta digniintan ayaa ah in maamulkan uu sare u qaaday heerarka amniga ee xarumaha muhiimka ah sida goobaha dadweynaha ku badan yihiin".

Iyagoo u maraya safaaradahooda Nairobi, Maraykanka iyo UK waxay sheegeen in kooxaha argagixisadu ay qaadi karaan weerar aan wax digniin ah ama digniin ah lahayn, oo ay la beegsanayaan goobo ay dad badan ku sugan yihiin.

Hadalkan ayaa kusoo hagaagay hal bil uun ka dib markii Safaaradda Maraykanka ee magaalada Dares Salaam ee dalka Tanzania ay soo saartay digniin amni oo ku wajahan muwaadiniinteeda oo ku aadan waxa ay ku tilmaantay "weerarro suurtagal ah".

GAROWE ONLINE