Wasiir lagala wareegayo iPhone ka sameysan dahab iyo hanti kale
-
WARIYAHA ARRIMAHA CAALAMKA
- Posted On 07-07-2019, 06:21PM
ABUJA, Nigeria – Maxkamad ku taala Nigeria ayaa amartay in lala wareegto dahab lagu qiimeeyay 40 milyan oo dollar iyo talafoon iPhone ah kana sameysan dahab oo ay lahayd wasiirkii hore ee Bartoolka, Diezani Alison-Madueke.
Guddiga la dagaalanka musuqmaasuqa ee wadankaasi Galbeedka qaarada Afrika dhaca ayaa warkan ku dhawaaqey Jimcadii.
Waxyaabaha ee dowlada u gacan-galaya ee laga soo helay hanti ay lahayd Alison-Madueke waxaa kamid ah; jijimo, faraantiyo, dhego, katiinado iyo saacado, sidda uu ku dhawaaqay Guddiga.
Alison-Madueke, oo ahayd wasiirka Batroolka intii u dhaxeysay 2011 illaa iyo 2015 ayaa iyadda oo maqane ah waxaa sanadkii 2017-kii lagu eedeeyay dhaqitaan lacag.
Goobta ay ku sugan tahay weli lama ogga, qareenkeeda oo fadhigiisu yahay caasimada UK ee London kaasi oo iyadda metala wali kama uusan jawaabin warkan.
Guddiga, oo sheegay in cid kasta oo xiiseynaysa in ay aragto hantida uu fursad u siinayo, ayaa la siiyey muddo 14 maalmood ah si ay ula wareegaan hantidaasi.
2017-kii ayey ahayd markii maxkamad ay u ogolaatey dowladda in ay si ku meel gaar ah ula wareegto guri lagu qiimeeyay 37.5 milyan oo dollar kaasi oo ku yaala xaafad ay madaxdu degto oo ku taala Lagos.
GAROWE ONLINE
