Xildhibaan uu ku dhacay Kansar oo ka warbixiyay xaaladiisa caafimaad

NAIROBI, Kenya - Mudanahaan oo ka tirsan baarlamaanka wadanka Kenya ayaa laga helay xanuunkaan sanadkii hore ee 2018.

Darajo ahaan nooca xanuun ee haya Kenneth Okoth ayaa ah midka afaraad heerka lagu qiimeeyo Kansarka, walina lagama daaweyn.

Bishii Febraayo ayay ahayd markii ugu horeysay oo uu bulshadu u sharaxo xaaladiisa, isaga oo qiray in uu dareemayo walwal badan.

Talaadada maanta ah ayuu mar kale ka warbixiyay, wuxuuna sheegay in hoos u dhac wayn uu ku yimid jirkiisa.

"Waan la tacalayaa…waxaana qaadanayaan daawooyinka ku haboon si aan xanuunka uga taqaluso," ayuu raaciyay.

Xildhibaankaan ayaa daaweyn ka raadsaday dalalka Yurub, maadaama gudaha Kenya ay ku yar yihiin xarumaha lagu daaweeyo Kanksarka.

Okoth ayaa dhowr jeer ka dalbaday dowladda in ay tayeyso xarumaha lagu daaweey Kansarka si ay uga faa’ideystaan shacabka, balse wali ma aysan suurtagelin.

Kansarka ayaa lagu tilmaamayaa in uu yahay mid kamid ah cudurada dilaaga ee ugu halista badan, inkasta dadka qaar ay kaalinta koowaad geliyaan.

GAROWE ONLINE