Lix qodob uu Xasan Sheekh ka sheegay shirka jaraa’id ee Villa Soomaaliya

Hadal-jeedintan ayaa daba socotay meelmarinta Xukuumadda iyo Baarlamaanka ee heshiiska Turkiga.

MUQDISHO, Soomaaliya - Madaxweyne Xasan Sheekh Maxamuud ayaa jeediyay khudbad dheer kadib ansixinta heshiiska difaaca iyo dhaqaalaha ee Turkiga.

Faalladan waxa ay soo koobaysaa qodobadii ugu muhiimsanaa ee hadal-jeedintan daba socotay meelmarinta Golaha Wasiirada iyo Baarlamaanka federaalka.

⁃ "Turkigu waxa uu Soomaaliya ka caawin jiray taageero bini'aadantinimo; booqashadii Erdogan ee Agoosto 2011 waxay ahayd waxay wax ka badashay la dagaallanka macluusha"

⁃ "Turkigu wuxuu ahaa dalkii ugu horeeyay ee Soomaaliya si toos ah u taageera dhanka miisaaniyada"

⁃ "Turkiga waxa uu Soomaaliya ka hirgaliyay xaruntii ugu weyneed ee lagu tababaro ciidamada Soomaaliya si ay ula dagaalamaan argagixisada"

⁃ "Heshiiskan cusub ayaa quseeya difaaca badda iyo iskaashiga dhaqaalaha mana ahan Heshiis aan ka dhan ahayn Itoobiya"

⁃ "Soomaaliya ma rabto in ay la dagaalanto dal kale. Soomaaliya ma rabto in ay aragto dalal shisheeye oo dhulkeeda ku dagaallamaya"

- "Heshiisku wuxuu la dagaallami doonaa budhcad-badeedda, argagixisada, kalluumaysiga sharci-darrada ah, daroogada iyo hawlaha sharci-darrada ah ee badda"

GAROWE ONLINE