Al Shabaab oo gacmaha ka jartay labo Dhalinyaro ah
-
- Posted On 15-12-2016, 12:50AM
GALHAREERI, Somalia- Kooxda Al shabaab ayaa Maanta Gacmaha ka jartay Labo Nin oo Dhalinyaro ah oo fal tuuganimo ah ku eedeysay inay ka geysteen degmada Galhareeri ee Galgaduud.
Labada dhinyarada ah oo lagu kala magacaabo Faarax Bile Maxamed iyo Quuri Cusmaan Cabdi, ayaa gacanta midig looga jaray Goob Fagaaro ah, oo ay isagu soo baxeen Boqolaal dadweyne, oo caruur iyo Haween u badan.
Faarax Bile Maxamed iyo Quuri Cusmaan Cabdi ayaa gacmaha looga jaray inay Goob ganacsi ka xadeen lacag qiimaheedu gaarayso $285 (Labo Boqol iyo Sideetan iyo Shan Doolarka Mareykanka).
Labada Dhalinyarada oo aad ugu dhiig-baxay Faraagaraha gacanta looga gooyay, ayaa markii dambe la dhigay iyagoo miir-beelay Isbitaalka Al shabaab ee degmada Galhareeri ee gobolka Galgaduud.
Kooxda Al shabaab ayaa inta badan xukunada noocan ah ku fuliyo dadka ay ku eedeeyso Xatooyada.
GAROWEONLINE
