Al-Shabaab oo "gudoomiye" cusub u magacawdey Muqdisho

MUQDISHO, Soomaaliya – Kooxda Al-Shabaab ayaa "gudoomiye" cusub u soo magacawday Muqdisho, caasimadda Soomaaliya, oo ay ka fuliso weeraro sidoo kalena ka hesha lacago ay si qasab ah uga qaado ganacsatada.

Wakiilka cusub oo ah nin si qarsoodi ah u shaqeyn doona ayaa lagu magacaabaa Daahir Macalin Salaad, oo mudo dheer kasoo mid ahaa garabka Sirdoonka Al-Shabaab ee loo yaqaano "Amniyaat".

Daahir ayaa bedelaya Cali Maxamed Xuseen [Cali Jabal] kaasoo Mareykanka ku diley duqeyn diyaaradeed bishii July ee sanadkii 2017 taasoo ka dhacday duleedka degaanka Tortoroow, ee gobolka Shabeellaha Hoose.

GAROWE ONLINE