Al-Shabaab oo laba ruux ku toogatay gobolka Hiiraan

Image

BELEDWEYNE, Soomaaliya - Kooxda Al-Shabaab ayaa fagaare ku yaalla tuuladda Buq-aqable ee gobolka Hiiraan ku toogatay shalay gelinkii dambe laba ruux, oo ay ku eedeysay inay la shaqeynayeen Maamulka HirShabeelle.

Labada nin oo lagu kala magacaabi jiray Cabaas Max'med Cismaan iyo Axmed Maxamed ayay Al-Shabaab kasoo qabatay degaanada Booco iyo Buurdheere, oo kawada tirsan gobolka Hiiraan, ee bartamaha dalka Soomaaliya.

Axmed ayaa lagu eedeeyay inuu ahaa Askari katirsan HirShabelle, halka Cabaas lagu soo oogay dembi basaasnimo, isagoo la shaqeynayay Sirdoonka Maamulkaas, sida lagu sheegay war qoraal ah oo Al-Shabaab soo saartey.

Ma helin labadaan nin qareenno u dooday, waxaana kiiskooda go'aan ka gaartay Maxkamad ay Al-Shabaab leedahay, taasoo ah mid ka baxsan xeerarka caalamiga ah ee xusuuqda aadanaha iyo maxaabiista.

Kooxda Al-Shabaab oo mudo ka badan 10 sano dagaal kula jirta dowladda iyo AMISOM, ayaa inta badan ka fulisa degaanada ay ku sugan tahay dilal toogasho ah, gowrac iyo jeedalayn ka dhan ah shaqsiyaad ay ku eedeyso basaasnimo, askar dowladeed inay yihiin iyo kuwa kale.

GAROWE ONLINE

Related Articles

Madaxweynaha Puntland oo Ganacsatada Boosaaso Ku Wargeliyay in Aanay Dhaqaale Siin Daacish

Isagoo hadalkiisa sii wata, Deni ayaa xusay in qaar ka mid ah ganacsatada Puntland ay dalka ka baxsadeen sababo la xiriira cabsida Daacish.

  • Soomaliya

    13-03-2025

  • 09:02AM

Maxaa kusoo kordhay weerarkii Hotel-ka Qaahira ee magaaladda Beledweyne?

Sida ay sheegayaan goobjoogayaal, qaraxyada iyo rasaasta ayaa ka dhigtay deegaanka mid kacsan oo kala carar iyo jahwareer ka jiraan.

  • Soomaliya

    12-03-2025

  • 02:00PM