Al Shabaab oo weeraro ka fulisay Shabeellaha hoose
-
- Posted On 09-11-2016, 11:53AM
BARRIIRE, Somalia- Dagaal iyo Duqeyn ayaa ka dhacay deegaan kala duwan oo kamid ah gobolka Shabeellaha hoose, kadib markii Al shabaab ay weerareen saldhigyo ay leeyihiin ciidamada dowladda federaalka Somalia.
Dagaalyahanada Al shabaab ayaa weerar madaafiic ah ku qaadey deegaanka Ballid-doogle, oo ay degan yihiin ciidamada dowladda iyo kuwa Mareykanka ah oo halkaasi ku tababara askarta dowladda Somalia.
Sidoo kale, dagaalka Culus oo u dhaxeeya Malleeshiyada Al shabaab iyo ciidamada dowladda ayaa sidoo kale waxa uu ka dhacay inta u dhaxaysa Bariire iyo Lambar -Konton, ee gobolka Shabeellaha hoose.
Ma jiro wax war ah oo kasoo baxay Saraakiisha ciidamada oo ku saabsan khasaaraha ka dhashay weerarada Al shabaab kuu qaadeen saldhigyada Ciidamada dowladda Soomaaliya.
Gobolka Shabeellaha hoose, ayaa kamid ah gobolada ay ugu xasiloonida xun gobolada dalka, waxaana gobolkaasi saamayn xoogan ku yeeshay dagaallo beeleed iyo weeraro Al shabaab ku qaadaan degmooyin iyo deegaanada ay maamusho dowladda Somalia.
GAROWEONLINE
