Somalia: Al-shabab oo laga qabsaday Baardheere
-
- Posted On 22-07-2015, 03:13PM
July 22, 2015 (GO)- Ciidamada Dawlada Somaaliya oo garab ka helaya kuwa Midowga Afrika ee AMISOM ayaa la wareegay magaalada Baardheere ee gobolka Gedo.
Sarkaal sare oo ka tirsan Dawlada oo lagu magacaabo Siyaad Axmed Aadan ayaa warbaahinta u sheegay in gudaha magaalada ay galeen labadii duhurnimo.kadib markii Alshabaab ay isaga baxeen magaalada.
Dad goob joogayaal ah ayaa sheegaya inaan lagu dagaalamin magaalada gudeheeda, balse bannaanka ciidamadu iska caabin aan sidaa u cuslayn kala kulmeen Alshabaab.
Xaalada magaalada ayaa ah mid kacsan, waxaana ciidamada huwantu saldhigyo ka samaysanayaan bannaanka magaalada.
Baardheere oo ah magaalo dhaqaalaheedu ku tiirsan yahay wax-soo-saarka beeraha, waxaa shantii sano ee ugu dambeeyey ka arriminayey Ururka Al-shabab.
GAROWE ONLINE
