AMISOM oo soo ceshatay saldhigooda Jannaale
-
- Posted On 01-09-2015, 07:27PM
1 September, 2015(GO)-Ciidamada AMISOM ayaa dib u qabsaday deegaanka Jannaale oo ka tirsan gobolka Shabeelada hoose oo gacan ku dhigeen maanta kooxda Al-shabaab.
Gurmad ciidan oo ka yimid Qoryooley iyo Shalanbood ayaa keenay inay dib u soo ceshadaan saldhiga ciidamada Uganda ku lahaayeen deegaansi.
Xaaladda deegaanka ayaa kacsantahay, waxaana la dareemayaa barakaca shacabka madaama uu u jiro dhaq-dhaqaaqyo cidan sida ay ku soo waramayaan goob joogayaal ku sugan Jannaale.
Saaka ayay ahayd markii gacan ku haynta deegaanka ay la wareegeen kooxda Al-shabaab oo weerar ku soo qaaday saldhig ciidamada AMISOM ee ka socda Uganda ay ku lahaayeen gobolka Shabeelada hoose.
GAROWEONLINE
