Askar katirsan dowladda oo Muqdishu ku dagaallamay

MUQDISHU, Somalia- Ciidamo katirsan ilaalada deegaanka ee caasumadda Somalia, ayaa lagusoo waramayaa inay ku dagaallameen magaalada Muqdishu, waxaana ka dhashay khasaaro dhimasho iyo dhawac isugu jirta.

Isku dhaca labada ciidan ayaa ka dhacay degmada Dharkaynley ee gobolka Banaadir, waxaana gacan ka hadalkaas ku dhintay hal askari oo magiciisa lagu sheegay Nuur Calaa Nuur.

Goob joogayaal ayaa Garowe Online u sheegay in shaqaaqadu ka dhalatay is-maan dhaaf dhexmaray ciidankaas.

Majirto wax war ah oo kasoo baxay maamulka gobolka Banaadir iyo kuwa degmada Dharkaynley oo shaqaaqadan ka dhacday.

Xaaladda magaalada ayaa iminka degan, waxaana arrinta soo kala dhex-galay mas’uuliyiinta ciidamadaas oo xaaladda qabooyinka.

Maalmihii lasoo dhaafay iska hor imaadyo u dhexeeyay ciidamada dowladda Somalia  ayaa ka dhacayay magaalladda Muqdishu, waxaana inta badan uu khasaaro kasoo gaaraa dadka rayidka ah.

GAROWEONLINE