Somalia: Askar ku dhimatay qarax ka dhacay Mahadaay
-
- Posted On 03-03-2017, 12:12AM
MAHADAY, Somalia -Saddex Askarii oo katirsanaa ciidamada dowladda Federaalka ah ee Somalia ayaa la xaqijiyay inay ku geeriyoodeen qarax maanta lagula eegtay duleedka degmada Mahadaay.
Goob joogiyaal ayaa Warsidaha Garowe Online u sheegay in qaraxa uu ka dhashay miino wadada qarkeeda lagu aasay, taasi oo lala eegtay Kolonyo ay wateen ciidamada dowladda Somalia iyo AMISOM.
"Qaraxa waxa ciidamada lagula eegtay inta u dhaxayso Biyo Cadda iyo degmada Mahadaay, oo kawada tirsan gobolka Shabeellaha dhexe," ayuu yiri kamid ah dadka ku nool Biyo Cadde oo la hadlay GO.
Qaraxa waxa uu burburiyay gaari nooca Cabdi-Bile loo yaqaano, oo ay la socdeen ciidamada dowladda Somalia oo wehlinayay kuwa AMISOM, oo kusii jeeday degmada Mahadaay, sida Goob joogaha uu sheegay.
Al shabaab ayaa sheegtay mas'uuliyadda weerarka, sida lagu baahiyay warbaahinta ku hadasha Afka Kooxda, oo maanta soo qoray in ugu yaraan 5 askari ku dhimatay qaraxa miino ee duleedka Mahaday.
Wa ma jiraan warar kasoo baxay AMISOM iyo Saraakiisha militariga Somalia oo ku aadan weerarka.
GAROWEONLINE
