Askari katirsan AMISOM oo lagu dilay Hiiraan

BULO-BURDE, Somalia - Askari u dhashay dalka Dabuuti, oo qeyb ka ahaa ciidamada Midowga Africa ee (AMISOM), ayaa maanta lagu dilay gudaha degmada Buulo-burde ee gobolka Hiiraan.

Goobjoogayaal ayaa u xaqiijiyay Warsidaha GO in Nin hubaysan uu toogasho ku dilay Askariga xilli uu ku sugnaa gudaha magaalada, kadibna goobta isaga baxsaday kahor inta aysan soo gaarin  ciidamada AMISOM.

Ma jirto koox sheegatay Mas'uuliyada dilka Askariga reer Jabuuti, mana jiraan sidoo kale war kasoo baxay saraakiisha maamulka gobolka Hiiraan iyo AMISOM oo ku aadan dhacdadaasi.

Dilka Askari kahor ayaa la sheegay in ciidamado katirsan dowladda Somalia ay rasaas ku fureen Askari kale oo Jabuutiyaan ah, kadib markii sida la sheegay uu dharbaaxo ku dhuftay gabar qaadka iibisa oo ay murmeen.

Lam oga in labada dhacdo ay xiriiraan.

GAROWEONLINE