Askari khaarijiyey arday ku dhawaaqaya "ha idilin" oo la xukumay

MUQDISHO, Soomaaliya – Maxkamada Ciidamada Soomaaliya ayaa maanta oo Isniin ah waxay dil toogasho garka u gelisay askari ka tirsanaa xoogaga booliska.

Dable Baashi Mustaf Cumar [Dhaqane] ayaa waxaa lagu soo eedeeyay in uu 26-kii July sanadkan 2019 uu degmada Xamar-jabab, gobolka Banaadir ku dilay arday.

Laamaha ammaanka oo isla goobta ku qabtay dhigayna xabsiga ayaa waxay muddo kadib ku wareejiyay xeer-ilaalinta oo ka gedaal maxkamadeynta bilowday.

Sheikh Nuur Maxamed Maxamuud, oo dhiganayey dugsi, ayaa xiliga uu falku dhacayey ku dhawaaqay "ha idilin" sida ay ku marag-fureen laba marqaatiyeyaal.

Xeer-ilaalinta oo xukunka dil toogashada soo jeedisay ayaa waxay kusoo oogtay Dhaqan inuu "ku xadgudbay sharafka ciidanka iyo ilaalinta muwaadinka".

Qareenada difaacaya oo qiray in kal-yeenitooga uu falku ku kacay ayaa waxay u dalbeen naxariis maadaama "uu ahaa qof aan miirkiisa joogin" oo maan-dooriye adeegsaday.

"Go’aanka Maxkamadda waxaa ka furan rafcaan muddo ku siman bil," ayuu yiri Xasan Cali Nuur Shuute, gudoomiyaha xeer-beegtadda, oo xukunka shaaciyay.

Askarta Soomaaliya ayaa meelo kala duwan ee dalka ah dilal iyo dhaawacyo ugu geysta rayidka, waana naadir in cadaalad ay helaan dhibaneyaasha.

GAROWE ONLINE